...
Þá er ég búinn að prófa thanksgiving.

Það var nú ekkert merkilegra en hvað annað.
Ég hélt að þetta yrði einhver æsings át-æsingur,
en sú var ekki raunin. Ég hef nú tekið betur á því
í nokkrum jólaboðunum.

Í gær fór ég í matarmikla bólívíska súpu.
Súpa er víst aðalmálið í Bólivíu og svo hefur verið í
áraraðir. Það er víst enginn matur án súpu þar á bæ.
Súpan bragðaðist afbragðsvel og einnig gæddi ég mér
á einhverjum kínafiskirétti og dassi af sússíi sem hún
Wanda frá Kína kom með. Allt prýðisgott.

Svo skellti ég mér "in the hood" í dag til fjölskyldu eins af
söngvurunum í söngdjasssamspilinu sem ég er í.
Þar voru síðar buxur og leynileg handabönd höfð í hávegum.
Þetta var alveg ekta.
Tvær frænkurnar sem voru 15 og 18 ára voru báðar með ungabörn.
Flestir voru feitir og fínir og þömbuðu vanilla kók óbjóð af miklum móð.
Ég drakk það auðvitað líka og lét á engu bera. Doddi spæjari.
Það var mjög gaman að kynnast þessu og kalkúninn var sehr gut.
...
Ég man ekki hvort ég var búinn að minnast á það við ykkur hvernig
liðið hérna klæðir sig... Ef ég var búinn að því, þá eru þið vonandi búin
að gleyma því og hafið þ.a.l. gott af því að fá smá refresh á það.
Ég var bara búinn að gleyma því hvernig þetta er hérna þangað til ég fór
í bíóið í fyrrakvöld.
Sérstaklega eru strákarnir duglegir við að klæða sig bara einhvern veginn.
Samt er þetta ekki bara það. Það eru bara öðruvísi norm hérna.
Það var t.d. par í bíóinu á deiti. Ég man ekki alveg í hverju hún var því að
það var bara fínt. En gaurinn maður!!! Vaaaaaaaaaaaaaááááááááááá.
Hann var alveg í splúnku nýju glansandi snjóþvegnu galladressi frá toppi
til táar. Vatnsgreiddur og til í allt... Æst töff.
Ætli fólk sé ekkert að pæla eða er því alveg sama? Hvað eru búðirnar að
pæla? Maður spyr sig.

Svo eru það líka skórnir. Það á aðallega við um stelpur. Nær undantekninga-
laust eru stelpurnar í skólanum í einhverjum Panther strigaskóm. Fötin eru alveg
fín og eðlileg, en ef manni verður á að líta niður á skóna, þá er það búið. Það virðist
ekki skipta neinu í hvaða fötum þær eru í, skórnir skulu vera gamlir Panther.

Það er eins gott að ég fæ Séð og Heyrt í pósti reglulega þess til að ég gleymi ekki íslensku
menningararfleifðinni og verði ekki samdauna Lauru og félögum.

Svo er hann Keli síkáti að fara í róður hér í desember og það er aldrei að vita nema
að ég fái þann heiður að villast með hann og frúna um bæinn þveran og endilangan...

Heyrðu já, kemur sér ansi hreint vel fyrir þá sem komast ekki á Coldplay tónleikana
vegna próf-anna og eru að fara að flytja til Miami í janúar - Coldplay munu halda tónleika í
University of Miami 22. jan næstkomandi. Tilviljun skrattans!!!

doddi,
...

...
Jæja, best að blogga þá barasta.

Þetta thanksgiving er frekar skrýtið finnst mér.
Þá aðallega þessi tímasetning.
Jólin eru alveg að koma en samt er þetta frí haft núna!
Ég meina, ég kem heim eftir tvær vikur!
Sumir krakkar fóru meira að segja heim til sín um helgina
og skrópuðu frá mánudegi til miðvikudags (það er sko frí
frá fimmtudegi til sunnudags). Þeir sem fóru ekki heim um
helgina fóru sko pottþétt í dag. Margir fóru líka í gær þannig
að það var ekki mikið um mætingu í tíma í dag og það virðist
vera alveg samþykkt meðal kennaranna. Því fór ég bara í einn
tíma í dag í staðinn fyrir fjóra. Það var reyndar alveg prýðilegt.

Ég skrapp upp í skóla í kvöld að æfa mig aðeins og ég var eins
og palli var tveir í heiminum. Á hæðinni þar sem undantekningalaust,
hvort sem það sé helgi eða hvað sem klukkan er, er allt fullt af krökkum
að æfa sig, voru aðeins ég og einn annar skynsamur slagverksleikari.
Frekar undarlegt. Þrif-fólkið bara byrjað að þrífa fyrir allar aldir og allt tómt.

Ég held bara að thanksgiving jafnist á við jólin hérna úti. Svona grínlaust.
Ég hef verið að spjalla við krakka sem segja mér að í þeirra augum sé
thanksgiving merkilegra en jólin. Á jólunum er bara djammað og eitthvað
þannig. Thanksgiving er meira svona allir verða hittast og vera rosa góðir.

Eins og áður á nefndist, þá er mér boðið í mat á morgun og líka á föstudaginn.
Á morgun fer ég til slagverkssamspilskennslukonunnar minnar í bólivískan mat
a la maðurinn hennar og á föstudaginn geri ég ráð fyrir að fara alvarlega í kalkúna-
pakkann hjá local fjölskyldu. Ég var að hjálpa einum strák með píanóspil (ekki bjóst
ég nú við að lenda í því nokkurn tíma) og hann var svo þakklátur að hann vildi endilega
bjóða mér í mat á föstudaginn. Það boð byrjar klukkan eitt en boðið á fimmtudaginn
byrjar klukkan fjeeeegur. Ég var sérstaklega varaður við því að mæta mjög svangur
í bæði boðin og ég geri ráð fyrir að það verði setið og etið daglangt. Ég ætti nú
ekki að taka illa í það...

Ég skellti mér hins vegar á nýja Bondarann í kveld og hafði gaman af. Massadella, en
hverju skiptir það þegar Bond á í hlut.

Ég hef hins vegar ekki ennþá farið í bíó hérna án þess að minnsta kosti tveir gemsar
hringi á meðan sýningu stendur. Og þá er aldrei hægt að redda því í hvelli. Ó nei.
Fyrst þarf að finna símann í vasanum eða veskinu. Svo þarf að kíkja á skjáinn og
sjá hver er að hringja. Svo þarf að pæla í því hvort það eigi að skella á viðkomandi
eða bara spjalla við hann. Þeir eru nebblilega soldið í því að vera að rembast við að
spjalla í símann á meðan sýningu stendur. Lífgar upp á myndina...

Svo fékk ég bílinn á mánudagskvöldið síðasta og það er nú aldeilis gott skal ég segja ykkur. Núna get
ég barasta farið út í búð og jafnvel dinglað mér barast líka. Já, það hressir bragakaffið... Eða var
ég kannski búinn að segja ykkur það? Svo fylgir sögunni að bílnum fylgdi líka golfsett skal ég segja
ykkur! Því er aldrei að vita hvort að ég setjist bara í helgan stein og fari bara að einbeita mér að golfinu. Ég er nú
búinn að vera svo duglegur á undanförnum árum að ég held að það sé bara kominn tími á mig...

Svo eru hérna skilaboð til þeirra sem vilja bjóða mér í partí þegar ég kem heim: Bjóðiði mér í partí þegar ég
kem heim.
Ég er ekki búinn að fara í heilt partí síðan Davíð flengdi kúna. Ég get svarið það. Ég er nú ekki beinlínis búinn að
vera að einbeita mér að félagslífinu hérna úti og tæpu þrjú árin áður en ég kom hingað út fór ég í mesta lagi í hálf
og hálf eða einn fjórða partí vegna þess að ég þurfti alltaf að fara að vinna...
Aðgerð aðgerð aðgerð...
Sem sagt, á diskinn minn, kisa.

Ég held að ég sé orðinn ruglaður, of mikið Goggi W., of lítið Óli Kraftganga.

Þangað til næst,
látið ykkur ekki leiðast og takk fyrir komuna;-)
Doddi.
...

...
Þetta er nú alveg hætt að vera spennandi, ha.

Vesenið er allt búið. Enginn brjálaður herbergisfélagi,
enginn sem kúkar í sturtuna, ekkert vesen lengur...
Á morgun fæ ég bílinn sem ég er að kaupa mér og því
hef ég ekkert til að kvarta yfir. Óumflýjanlega verður blogg
mitt minna spennandi fyrir vikið.

Ég er eiginlega að átta mig að ég hef verið í nettu kúltúr-
sjokki fyrstu vikurnar eða mánuðina.
Núna held ég hins vegar og vona a að ég sé búinn að kynnast
mestöllu veseninu sem á mér mun dynja á komandi árum.

Talandi um ekkert vesen, þá skal ég samt segja ykkur frá smá veseni sem
er nú kannski ekkert rosa. Það var þannig að ég keypti mér sjónvarp
á föstudaginn fyrir viku. Þegar ég kom heim með það, þá var það auðvitað
bilað...
Ég þurfti því að böggast í Einari um að fara með mig aftur í búðina og skila
sjónvarpinu.
Það var ákkúrat þegar við skruppum í búðina sem að hjólinu mínu var stolið.
Þannig að þar fékk ég léttan skammt af meríkunni.

Ég er líka búinn að kynnast eldmaurum, eða fireants.
Þeir eru svona riiiiisastórir maurar, eldrauðir og subbulegir.
Þeir eru sennilega eini ókosturinn við þessa íbúð held ég.
Það er nú ekki eins og það sé allt morandi í þeim, en ég
sé svona u.þ.b. 2 á dag. Þá geri ég ávallt allt sem í mínu
valdi stendur til að drepa helvítin því að ég þoli ekki svona
viðbjóðslegar pöddur.
Einnig hef ég þá grunaða um að standa fyrir stærsta biti sem
ég hef nokkurn tíma fengið.
Jú, ég er með stærsta bit í heiminum á framhandleggnum. Það er
svona svipað að stærð og botninn á mjólkurglasi, án gríns.
Kláðinn er í samræmi við stærðina og því er ég allur löððððððrandi
í anti-kláða smyrsli.
Svo er ég líka tvö önnur aðeins minni bit. Eitt á lærinu og eitt á
upphandleggnum.
Ég skil þetta ekki. Ég er geinilega með vinsælasta blóðið á pöddu-
markaðnum í dag...
Samt set ég alltaf á mig einhverja olíu sem á að koma í veg fyrir bit
en allt kemur fyrir ekki...

ummmmmmmmmmmmmmmmmmmmmmarabou.

ble.
D.
...